لطيف وسيلي

Mira Mrmr قبل شهرين

تجربه لاول مرة المنتجات طازة ونكهه مختلفه مميزة

x قبل شهرين

الحاجه عندهم جميله وفريش ومش بتاخد وقت في الطلب والتسليم

Monfa5 قبل 8 أشهر

مكان عريق جدا وبالنسبالى هو مكان يتجرب مرة عشان شهرته أكتر من انه يتجاب منه باستمرار، مش عشان هو وحش لأ عشان أسعاره مبالغ فيها شوية جربت من عنده كرواسون سادة، باتيه جبنة بيضا ورومى، عيش فينو عادى وعيش ڤيينا، و بسكويت مخصوص العيش الصراحة عجبنى اوى فى طعم تسكيرة كده جميلة، الفينو السادة ب ٣ جنيه ونص غالى الصراحة حبتين بس الخامة كويسة العيش الفينو الڤيينا بالسمسم جميل برضو اوى وسعره تقريبا ٥ ونص الكرواسون والباتيه عجبونى برضو بس كانوا هيبقوا أحسن من كده كتير لو لسه طالعين طازة تقريبا كانوا فى حدود ٢٥ او ٣٠ جنيه الواحد حشو الجبنة البيضا فى الباتيه معدوم خالص والرومى برضو الطعم مش واضح أوى بس طعم الخبز نفسه جميل الصراحة البسكويت المخصوص خطييير الصراحة وتقريبا من أحلى الأنواع اللى دقتها من أى مكان السكر فيه مظبوط على الشعرة طعمه حكاية، بس مشكلته الوحيدة ان سعر الطبق غالى حبتين ١٦٠ جنيه الطبق مش مكتوب عليه وزن بس أعتقد انه فى حدود ٣٥٠ ل ٥٠٠ جرام الخلاصة هو فرن جميل وتاريخ عريق بس صعب ان حد يجيب منه باستمرار عشان أسعاره بس من ناحية الجودة هى موجودة وبقوة، لكن لو حد ربنا فاتح عليه ومعندوش مشكلة من الناحية المادية فهيكون فرن ممتاز بالنسباله

Mohamed Azab قبل سنة

مخبر افرنجي عتيق بالازبكيه قريب جدا من شارع نجيب الريحاني مختلف و كواليتي سياحي و محافظ علي مستواه من سنين طويلة الاسعار غاليه جدا عن المعقول مكانه في ازحم حته في مصر و ركنه السيارات بفلوس ومش موجوده لازم تروح بعد الساعه ١٢ ليلا

Outing قبل سنة

🥖مخبز لطيف وسيلي🥖 #وسط_البلد محافظة #القاهرة 🥖 يعد من أوائل المخابز التي قدمت الخبز الأفرنجي أو الفينو والكيكات والمقرمشات لسكان القاهرة. تأسس عام 1897م. 🍞 🥖 ويقدم لطيف وسيلي منتجاته حتى اليوم بنفس الجودة والمذاق محافظاً على جمهوره الذين يجذبهم تنوع المنتجات التي تلبي جميع الأذواق وبأسعار مناسبة ويجد المخبز رواجاً لا سيما في فترات الأعياد حيث بيع الكعك والبسكويت وكذلك الحلويات الشرقية. 🥯 🥖 كما يقدم المخبز خدماته لتجهيزات أعياد الميلاد والمناسبات. ومن القاهرة إلى الإسكندرية وتحديدا لمنطقة محطة الرمل. عبر سياراته الخاصة. 🥐